Kamal bola “pahle mujhe bhi ye hi laga tha. Lekin kal raat ko wo tere sath jis tarike se bat kar rahi thi. Us se ye baat to saaf ho jati hai ki, kal usne cigarrete peene ka plan bhi, tujhe paresan karne ke liye banaya tha aur usme pis mai gaya.”
Mai bola “mujhe nahi lagta ki aisi koi bat hai. Ye sab tere man ka vaham hai.”
Kamal bola “ye agar mere man ka vaham hai to, tu ye bata ki kal mere niche aane ke turant bad keerti bhi niche kyo aa gayi. Usne tujhse bat kyo nahi ki. Iska matlab saaf hai ki, wo tujhse naraj hai.”
Mai bola “yadi aisi koi baat hai to, wo bhul jaye. Mujhe paresan kar pana uske bas ki baat nahi hai.”
Kamal bola “dekhte hai kya hota hai. Wo to kal se tumhe paresan karna suru kar chuki hai aur aaj tumhe apne sath school le jane me bhi kahi uski koi chaal na ho. Ab ye to tumhe uske sath jane ke bad hi pata chalega.”
Mai bola “tu mujhe dara raha hai.”
Kamal bola “dara nahi raha hu, balki bata raha hu. Yadi kisi baat par keerti naraj hai to use mana lo, warna bahut mahga padne wala hai. Kyoki wo bahut jiddi hai aur usne ek bar jo than liya wo karke hi rahti hai.”
Mai bola “thik hai dekhta hu ki, wo kitni jiddi hai aur apni jid ko pura karne ko kya kya karti hai.”
Kamal bola “ab utho aur jaldi se taiyar ho jao. Wo abhi aati hi hogi.”
Itna kah kar kamal kamre se bahar nikal gaya. Kamal ke jaane ke bad, mai bhi uth kar fresh hone chala gaya.
Kamal bola “dekhte hai kya hota hai. Wo to kal se tumhe paresan karna suru kar chuki hai aur aaj tumhe apne sath school le jane me bhi, kahi uski koi chaal na ho. Ab ye to tumhe uske sath jane ke bad hi pata chalega.”
Mai bola “tu mujhe dara raha hai.”
Kamal bola “dara nahi raha hu, balki bata raha hu. Yadi kisi baat par keerti naraj hai to use mana lo, warna bahut mahga padne wala hai. Kyoki wo bahut jiddi hai aur usne ek bar jo than liya wo karke hi rahti hai.”
Mai bola “thik hai dekhta hu ki, wo kitni jiddi hai aur apni jid ko pura karne ko kya kya karti hai.”
Kamal bola “ab utho aur jaldi se taiyar ho jao. Wo abhi aati hi hogi.”
Itna kah kar kamal kamre se bahar nikal gaya. Kamal ke jaane ke bad, mai bhi uth kar fresh hone chala gaya.
Fresh hone ke bad mai taiyar hua aur fir 7:30 baje kmre se bahar aa gaya. Mai kamre se bahar aaya to, mausi mujhse nasta karne ko kahne lagi. Lekin tabhi keerti apna project hanth me lekar aa gayi aur usne mausi se kaha.
Keerti boli “mummy punnu ne taiyar hone me pahle hi der kar di hai. Ab yadi ye nashta karne laga to mujhe bhi der ho jayegi.”
Mausi boli “are use nasta kar lene de. Thodi der ho jane me kuch nahi ho jayega.”
Keerti boli “ye ek din nasta nahi karega to chal jayega. Lekin yadi mujhe der ho gayi to, meri saari mehnat bekar ho jayegi. Mera project shamil nahi kiya jayega. Waise bhi hume waha jyada der nahi lagna hum jaldi aa jayege.”
Uski baat sunkar, mausi bhi chup ho gayi aur mai gaur se keerti ka chehra dekhne laga. Usne meri taraf dekha aur kahne lagi.
Keerti boli “ab yaha khade khade mujhe hi dekhte rahoge ya yaha se chaloge bhi, chalo jaldi se scooty nikalo, mujhe school ke liye der ho rahi hai.”
Keerti ki baat sunkar, mai bahar aa gaya. Maine scooty bahar nikali, tab tak keerti bhi apna project liye aa gayi. Usne scooty me baithte huye kaha.
Keerti boli “jara araam se chalana, nahi to ye tej hawa lagne se tut jayega.”
Mai bola “thik hai.”
Itna bol kar maine scooty aage bada di. Keerti ki abhi ki harkat dekh kar, ab mujhe kamal ki bat sahi lag rahi thi. Ab mujhe bhi lag raha tha ki, keerti mujhe jaan bujh kar paresan kar rahi hai. Isi baat ko sochte huye, maine keerti se kaha.
Mai bola “yadi tujhe mere sath hi school jana tha to, tu mujhse raat ko hi bol deti. Mai subah jaldi uth jata.”
Keerti boli “mujhe tere sath aane ka koi shauk nahi tha. Wo to kamal aaj apna school miss karna nahi chahta tha, isliye mujhe tere sath aana pada. Lekin yadi tujhe mere sath aane me paresani thi to, ghar par hi bol deta. Mai bekar me tujhe paresan nahi karti aur texy me school chali jati.”
oye story update kr o yaar